kapot

SARRERA DESBERDINA:

Kanoa

Artikulu hau arraun-ontziari buruzkoa da; kirola gaitzat duena beste hau da: «Kanoa (kirola)»
Kanoa arraun-ontzi estu arina da, pala bakarrekoa. Bi muturrak zorrotzak ditu, eta goialdetik irekia dago, kayak-ak ez bezala. Ameriketako indiarren ontzi hori (kanoa hitza karibe indiarrei jaso zien Kolon-ek) ehizarako eta garraiorako erabiltzen zen, eta arraunlari batekoa edo bikoa zen gehienetan, zenbait gerra-kanoatan hogei arraunlari erabili baziren ere. Kirol-ontzi gisa, kanoa- eta kayak-estropadak arraun-proba olinpikoak dira (1936tik gizonezkoak eta 1948tik emakumezkoak). Estropadetan, ibai-jaitsieretan eta ur lasterretan erabiltzen diren kanoak arraunlari batekoak, bikoak, zortzikoak eta hamarrekoak izan daitezke.