konektore

konektore

SARRERA DESBERDINA:

Konektore elektriko

Konektore elektrikoa zirkuitu elektriko edo elektronikoetako osagaiak edo zirkuitu batzuk haien artean lotzeko elementua da. Zirkuitu elektriko edo elektroniko bateko osagaiak elektrikoki konektatuta daude korronte elektrikoa pasatu baldin badaiteke batetik bestera eroale elektrikoen bidez.
Oro har, konektore elektrikoa gailu elektromekanikoa da, eta zirkuitu elektriko edo elektroniko baten osagaien artean edo zirkuituen artean konexio elektrikoa ahalbidetzeko erabiltzen da.
Konexioa aldi baterakoa izan daiteke, ekipo eramangarrietarako bezala, muntatzeko eta desmuntatzeko tresna bat eska dezake, edo bi kable edo aparaturen arteko lotura iraunkorra izan daiteke.
Normalean, entxufe batek eta base batek osatzen dute kontektorea.
Ehunka konektore elektriko mota daude. Konektore-konfigurazio desberdinak fabrikatzen dira potentzia-aplikazioetarako, eta datu eta ikus-entzunezko aplikazioetarako. Egokigailu bat erabil daiteke konektore desberdinak lotzeko.
Konektore elektrikoak oinarrizko lau kategoriatan bana daitezke, funtzioaren arabera:
Konputagailu sareetan, konektore elektrikoak interfaze fisikotzat hartzen dira eta sareko OSI ereduaren geruza fisikoaren parte dira.
Konektore elektrikoek ezaugarri hauek dituzte: pastillajea eta eraikuntza fisikoa, tamaina, kontakto-erresistentzia, pinen edo hankatxoen arteko isolamendua, sendotasuna eta bibrazioarekiko erresistentzia, ura edo beste kutsatzaile batzuk sartzeko erresistentzia, presioarekiko erresistentzia, fidagarritasuna, bizitza (faila egin aurretik konexio/deskonexio kopurua), eta konektatzeko eta deskonektatzeko erraztasuna.
Modu desegokian ez konektatzeko diseinatuak izan daitezke, okerreko pinak beste batzuk doazen tokian ez konektatzeko, alegia, eta blokeatzeko mekanismoak izan ditzakete, guztiz konektatuta daudela eta askatu edo atera ezin direla ziurtatzeko.
Zenbait konektore pin edo hankatxo batzuek beste batzuk sartu baino lehen elkar ukitzeko moduan diseinatuta daude, eta, hala, deskonexioan ez apurtzeko moduan. Hala, elikatze-konektoreak izan ohi dituzten zirkuituak babesten dira, adibidez, lehenengo, lur komuna konektatuz, eta konexioak behar bezala sekuentziatuz bero-trukeko aplikazioetan.
Oro har, komenigarria da begiz erraz identifikatu eta mihiztatzen den konektorea, tresna errazak baino behar ez dituena, eta merkea. Kasu batzuetan, ekipo-fabrikatzaileak konektore jakin bat aukeratu dezake, ez baita bateragarria beste konektore batzuekin, eta, horri esker, konekta daitekeenaren kontrola dezake.
Konektore bakar batek ere ez ditu propietate ideal guztiak; konektore-sorta zabala ugaritzea baldintza desberdinen isla da.