makinista

SARRERA DESBERDINA:

The General (1926ko filma)

Artikulu hau 1926ko filmari buruzkoa da; beste esanahietarako, ikus «The General (1998ko filma)».
The General (euskaraz Jenerala edota Jeneraleko makinista) 1926ko Clyde Bruckman eta Buster Keaton estatubatuar zinema zuzendarien film komiko mutua da. William Pittenger idazlearen The Great Locomotive Chase ("Tren Jarraipen Handia") eleberrian oinarritua dago.
Jenerala izenburuak AEBtako Union General tren konpainia eta filma honetan agertzen den izen berdineko burdinbidearen aipamena da.
Filmaren argazkigintza bikaina eta eszena guztien prestaketa xehetasunez gauzatua izanik, komedia, amodioa eta poesiaz beteriko zinta osatu zuen, gaur egun filma klasikoa delarik.
Oharra: Atal honek istorio osoa edo amaiera argitzen du.
Johnny Gray (Buster Keaton) AEBtako Hegoaldeko estatu batean tren makinista gisa jardun ohi duen gizona da, bi bihotzeko azukre koskor dituelarik: Anabelle Lee (Marion Mack) neskalaguna eta burdinbidea (The General). 1861an AEBtako Gerra Zibila piztean Johnnyk Gudaroste Konfederatuan izen ematen saiatuko da, baina gudaroste konfederatuak frontearen atzealdean lanean ipinita lan baliotsuagoa egingo duela uste du. Halere, Anabellek Johnny koldar hutsa dela pentsatuz mutil-laguna utzi egingo du. Iparraldeko infiltratu komando batek "The General" burdinbidea lapurtu eta Anabelle bahituko du. orduan makinistak neska-lagunari bere benetako kemena erakusteko asmoz, beste burdinbide batera igo eta hura gidatuz yankeeak jarraitu eta bere bi bihotzeko azukre koskorren bila abiatuko da.