sakagailu

SARRERA DESBERDINA:

Botoi (elektrizitatea)

Sakagailua, sakatzeko botoia edo soilik botoia bat makina edo prozesu baten aspekturen bat kontrolatzen duen etengailu mota bat da.
Sakatuta dagoen bitartean zirkuitua ixten du, eta bere kontaktuen artean korronte elektrikoa igaro daiteke; aitzitik, sakatuta ez badago, zirkuitua irekita dago, eta korronte elektrikoa ezin daiteke igaro. Halakoak dira botoi arruntenak, normalki irekiak deiturikoak (ingelesez: NO, normally open). Beste botoi batzuk normalki itxiak dira (ingelesez: NC, normally closed): horiek sakatu gabe badaude korrontea pasatzen uzten dute, eta sakatzen direnean zirkuitua irekitzen da. Botoi normalki itxi baten adibide bat da etxeko hozkailuko argia kontrolatzen duen botoia: atea itxita dagoenean botoia sakatuta dago, eta zirkuitua irekia; atea zabaltzerakoan, botoia aske gelditzen da, zirkuitua itxi eta bonbilla piztu egiten da. NO eta NC kontaktuak dituzten sakagailuak ere badaude.
Orokorrean botoiak material gogorrez egiten dira, metal edo plastikoz. Gainazala laua edo giza-hatzamar edo eskuari egokitua izaten da, era errazean sakatu eta askatu izan ahal dadin.